په سټنډرډ ملي اداره کې د ځوانانو نړیواله ورځ ولمانځل شوه

admin_omid
دوشنبه ۱۳۹۸/۵/۱۴ - ۱۰:۱۶
په سټنډرډ ملي اداره کې د ځوانانو نړیواله ورځ ولمانځل شوه

شنبه ۱۳۹۸ /زمري/۱۲

په سټنډرډ ملي اداره (انسا) کې د ځوانانو نړیواله ورځ ولمانځل شوه. په دغه غونډه کې د سټنډرډ ملي ادارې تخنیکي مرستیال خواجه جاوېد صدیقي، د ځوانانو معینیت د پرګرامونو د همغږۍ امر مطیع الرحمن کریمي، د دې ادارې رییسانو، کارکوونکو او یو شمېر مېلمنو برخه درلوده.

د دې غونډې په پیل کې د سټنډرډ ملي ادارې تخنیکي مرستیال خواجه جاوېد صدیقي د دغې ورځې په لمانځلو خوښي وښوده او پر ځوانانو پورې د اړونده مسوولیتونو یادونه یې وکړه. د هغه په وینا په وروستیو لسیزو کې ځوانانو د پام وړ پرمختګ کړی دی چې اوس مهال په هېواد کې ځوانانو مهم مسوولیتونه په بریالۍ توګه ترسره کوي. ښاغلي صدیقي و ویل چې ځوانان انرژي لري او د نوې ټکنالوژۍ سره په اشنايۍ کولای شي، د هېواد په پرمختګ کې د پام وړ رول ولوبوي.

د صدیقي په وینا چې پخوا استعدادونه پټ ساتل شوي وو او اوس ولسمشر د ځوانانو استعدادونو ته په کتو دوی ته ځانګړې پاملرنه کړې ده. هغه و ویل هیله مو دا ده چې زمونږ لویان خپلې تجربې په ساده ډول ځاوانانو ته ولېږدوي. د ځوانانو او نوو ځوانانو همغږي دا مرسته کوي، څو ټاکلو موخو ته ورسېږو. نوموړي ځوانان د اوس او نوي ځوانان د هېواد د راتلونکي لپاره مهم وګڼل.

له دې سره سره د ځوانانو معینیت د پروګرامونو د همغږۍ امر مطیع الرحمن کریمي د ځوانانو د مسوولیتونو او ارزښت په اړه هر اړخیزه خبرې وکړې او په خبره یې چې دا ورځ یوه نړیواله ورځ ده چې تقریبا په ټولو هېوادونو کې لمانځل کېږي. هغه زیاته کړه په هره ټولنه کې همدا ځوانان دي چې د هېواد د پرمختګ لپاره ګام پورته کوي. کریمي د ځوانانو معینیت د پالیسیو او ستراتیژیو د جوړولو او نوي نسل ته د دولت له پاملرې یادونه وکړه او زیاته یې کړه چې نوي نسل ته په ارزښت ورکولو سره کولای شو چې د هېواد د ابادۍ لپاره نوي ګامونه پورته کړو.

دغه غونډه د ملي سټنډرډ ادارې د یو شمېر کارکوونکو د فعالیتونو د یوې ویډیو په ښودلو او د ستاینلیکونو په ورکولو سره پای ته ورسېده.

تازه خبرونه

چهارشنبه ۱۳۹۹/۴/۱۱ - ۱۱:۳۷
Background image

د سټنډرډ ملي ادارې او فور کارنر مشورتي شرکت تر منځ د همکارۍ هوکړه لیک لاسلیک شو.

دوشنبه

۱۳۹۹/چنګاښ/۹

دغه هوکړه لیک د سټنډرډ ملي ادارې د تخنیکي مرستیال خواجه جاوید صدیقي او د فور کارنر شرکت رییس ښاغلي سمیع له لوري د مالي او اداري مرستیال احسان جلالزي، د سټنډرډونو. . .

پنجشنبه ۱۳۹۹/۲/۲۵ - ۲۰:۱۶
Background image

د ګازو پر واردولو، کیفیت او د سوداګرو پر ستونزو بحث وشو.

پنجشنبه
۱۳۹۹/غویی/۲۵
هېواد ته د ګازو پر واردولو، کیفیت او په بندرونو کې د سوداګرو پر ستونزو بحث وشو. په دې تړاو جوړه شوې غونډه کې د سټنډرډ ملي ادارې تخنیکي مرستیال خواجه جاوید صدیقي،. . .

پنجشنبه ۱۳۹۹/۲/۴ - ۱۷:۱۹
Background image

د ۱۳۹۹ کال د روژې مبارکې میاشتې په اړه د سټنډرډ ملي ادارې د رهبرۍ پیغام

د سټنډرډ ملي ادارې رهبري د روژې د مبارکې میاشتې په راتلو سره نړۍ او په ځانګړې توګه د افغانستان ټول مسلمان ولس ته مبارکي وایي. په دې هیله چې د دغې مبارکې میاشتې په برکت او د خدای ج په. . .

BACK TO NEWS

په سټنډرډ ملي اداره کې د ځوانانو نړیواله ورځ ولمانځل شوه

The subscription service is currently unavailable. Please check again later.