د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول

admin_omid
شنبه ۱۳۹۸/۵/۵ - ۱۱:۷
د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول

چهارشنبه ۱۳۹۸/ زمري/۲ د سټنډرډ ملي ادارې (انسا) له لوري د مټرولوژۍ او ساختماني موادو د ټسټ لابراتورونه پرانیستل شول. د دغه لابراتوارونو په پرانیست غونډه کې د انسا ادارې عمومي رییس ډاکټر محمد موسی عَلَمي، د اروپایي اتحادیې سفیر پیغ مایاودون، د جمهوري ریاست سلاکارانو، د مالیې وزیر ډاکټر همایون قیومي، د کابل والي، د رسنیو استازو او د بېلا بېلو دولتي ادارو لسګونه کارکوونکو په کې برخه درلوده.

د دغې غونډې په پیل کې د انسا ادارې رییس د غونډې له ګډونوالو څخه د مننې تر څنګ و ویل چې د مټرولوژۍ او ساختماني موادو د لابراتوارونو پرانیستل د کیفیت او سټنډرډ په برخه لوی ګام دی او په وینا یې چې دا لابراتوارونه به د ساختمان په جوړولو کې خوارا مرستندوی واقع شي او د مټرولوژۍ د لابراتوارونو پرانیستل به د اندازه ګیرۍ په برخه کې مثبت تغیرات راولي. نوموړي زیاته کړه دا مهال انسا اداره د دوه لویو موخو لپاره کار کوي چې لومړۍ موخه د صادراتو رشد او اقتصادي وده او دویمه موخه د کیفیت د ملي بنسټ جوړول دي. ښاغلي عَلَمي د خبرو په دوام زیاته کړه چې تېره میاشت یې د نړیوال سوداګریز مرکز ITC په مرسته د انسا پنځه کلن ستراتژیک پلان ترتیب او د سټنډرډ د عالي شوری له خوا منظور شو. نوموړي د سټنډرډ په برخه کې د شلو تخنیکي کمېټو یادونه وکړه چې له دې جملې یې څوارلس فعالیت لري.

په دغه غونډه کې د مالیې وزیر د سټنډرډ په ارزښت خبرې وکړې او په وینا یې چې سټنډرډ د یوه هېواد په پرمختګ کې بنسټیز رول لري. نوموړي زیاته کړه د سټنډرډ نه شتون په روغتیايي، ساختماني، غذايي او هره برخه کې د خوارا زیاتو ستونزو د پېښېدو لامل ګرځي. ښاغلي قیومي د مټرولوژۍ او ساختماني موادو د لابراتوارونو په پرانیستلو سره خوښي وښوده او د انسا ادارې له غوره لاسته راوړنو څخه یې وګڼله.

د دوی په دوام د اروپايي اتحاديې سفیر هم د لابراتورانو په پرانیستلو خوښي وښوده او په وینا یې چې سټنډرډ د یوې ټولنې په وده کې بنسټیز رول لري او د یوه هېواد او خلکو په اقتصاد خپل اغېز ښندي. نوموړي د غونډې ګډونوالو ته د سټنډرډ په ارزښت خبرې وکړې او د دې لابراتوارونو د پرانیستلو مبارکي یې و ویله.

د دغې غونډې په پای کې د یادو چارواکو له خوا د مټرولوژۍ او ساختماني موادو لابراتوارونه د پټۍ په پرې کولو پرانیستل شول.

 

تازه خبرونه

یکشنبه ۱۳۹۹/۶/۲۳ - ۱۰:۲۱
Background image

د سټنډرډ ملي ادارې او د جلغوزیو د لېږدوونکو د اتحادیې تر منځ د همکارۍ هوکړه لیک لاسلیک شو.

د سټنډرډ ملي ادارې د تخنیکي مرستیال خواجه جاوید صدیقي او د لېږدوونکو د اجرایوي رییس سخي الرحمن عابد تر منځ د جلغوزیو د ملي سټنډرډ د تطبیق، ترویج او پراختیا په برخه کې د همکارۍ هوکړه لیک. . .

شنبه ۱۳۹۹/۶/۱۵ - ۱۰:۲۳
Background image

د سټنډرډ ملي ادارې د رهبرۍ پلاوي غونډه ترسره شوه.

سه شنبه ۱۳۹۹/وږي/۱۱ د سټنډرډ ملي ادارې د تخنیکي مرستیال خواجه جاوید صدیقي په مشرۍ د رهبرۍ پلاوي غونډه ترسره شوه. په دغه غونډه کې اړونده رییسانو او امرینو برخه درلوده او د خپلو وروستیو. . .

دوشنبه ۱۳۹۹/۵/۱۳ - ۱۱:۲۸
Background image

سټندرډ ملي ادارې د بیرغ ملي ورځ ولمانځله

د سټندرډ ملي ادارې د یوې غونډې پرمهال چې د دغې ادارې کارکوونکو په کې برخه درلوده، د بیرغ ملي ورځ ولمانځله. په غونډه کې د ملي بیرغ پر ارزښت خبرې وشوې او بیرغ ملي هویت او د خپلواکۍ نښه. . .

BACK TO NEWS

د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول