د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول

admin_omid
Sat, Jul 27 2019 11:07 AM
د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول

چهارشنبه ۱۳۹۸/ زمري/۲ د سټنډرډ ملي ادارې (انسا) له لوري د مټرولوژۍ او ساختماني موادو د ټسټ لابراتورونه پرانیستل شول. د دغه لابراتوارونو په پرانیست غونډه کې د انسا ادارې عمومي رییس ډاکټر محمد موسی عَلَمي، د اروپایي اتحادیې سفیر پیغ مایاودون، د جمهوري ریاست سلاکارانو، د مالیې وزیر ډاکټر همایون قیومي، د کابل والي، د رسنیو استازو او د بېلا بېلو دولتي ادارو لسګونه کارکوونکو په کې برخه درلوده.

د دغې غونډې په پیل کې د انسا ادارې رییس د غونډې له ګډونوالو څخه د مننې تر څنګ و ویل چې د مټرولوژۍ او ساختماني موادو د لابراتوارونو پرانیستل د کیفیت او سټنډرډ په برخه لوی ګام دی او په وینا یې چې دا لابراتوارونه به د ساختمان په جوړولو کې خوارا مرستندوی واقع شي او د مټرولوژۍ د لابراتوارونو پرانیستل به د اندازه ګیرۍ په برخه کې مثبت تغیرات راولي. نوموړي زیاته کړه دا مهال انسا اداره د دوه لویو موخو لپاره کار کوي چې لومړۍ موخه د صادراتو رشد او اقتصادي وده او دویمه موخه د کیفیت د ملي بنسټ جوړول دي. ښاغلي عَلَمي د خبرو په دوام زیاته کړه چې تېره میاشت یې د نړیوال سوداګریز مرکز ITC په مرسته د انسا پنځه کلن ستراتژیک پلان ترتیب او د سټنډرډ د عالي شوری له خوا منظور شو. نوموړي د سټنډرډ په برخه کې د شلو تخنیکي کمېټو یادونه وکړه چې له دې جملې یې څوارلس فعالیت لري.

په دغه غونډه کې د مالیې وزیر د سټنډرډ په ارزښت خبرې وکړې او په وینا یې چې سټنډرډ د یوه هېواد په پرمختګ کې بنسټیز رول لري. نوموړي زیاته کړه د سټنډرډ نه شتون په روغتیايي، ساختماني، غذايي او هره برخه کې د خوارا زیاتو ستونزو د پېښېدو لامل ګرځي. ښاغلي قیومي د مټرولوژۍ او ساختماني موادو د لابراتوارونو په پرانیستلو سره خوښي وښوده او د انسا ادارې له غوره لاسته راوړنو څخه یې وګڼله.

د دوی په دوام د اروپايي اتحاديې سفیر هم د لابراتورانو په پرانیستلو خوښي وښوده او په وینا یې چې سټنډرډ د یوې ټولنې په وده کې بنسټیز رول لري او د یوه هېواد او خلکو په اقتصاد خپل اغېز ښندي. نوموړي د غونډې ګډونوالو ته د سټنډرډ په ارزښت خبرې وکړې او د دې لابراتوارونو د پرانیستلو مبارکي یې و ویله.

د دغې غونډې په پای کې د یادو چارواکو له خوا د مټرولوژۍ او ساختماني موادو لابراتوارونه د پټۍ په پرې کولو پرانیستل شول.

 

Latest news

Mon, Aug 03 2020 11:28 AM
Background image

National Flag Day was celebrated at the Afghan National Standards Authority.

National Flag Day was celebrated at the Afghan National Standards Authority.

Afghan National Standards Authority celebrated National Flag Day

The National Standards Authority. . .

Thu, Apr 23 2020 5:19 PM
Background image

ANSA leadership Message of Ramadan 2020

The National Office of Standards congratulates all the religious people of Afghanistan on the holy month of Ramadan, the spring of the Quran, the month of romantic worship, mystical. . .

Wed, Nov 13 2019 2:57 PM
Background image

The Authority to stabilize the quality of petroleum products was entrusted to the National Authority of Standards


In accordance with the Presidential Decree and the decision of the Honorable Commission of National Procurement Authority, a Board with the competence of the National Authority of. . .

BACK TO NEWS

د سټنډرډ ملي ادارې له لوري د مټرولوژۍ او ساختماني موادو لابراتوارونه پرانیستل شول

The subscription service is currently unavailable. Please check again later.