د انسا عمومي رئیس د افغانستان د سوداګري او صنایعو خونې له مشرتابه پلاوي سره وکتل

admin_omid
شنبه ۱۳۹۸/۱/۱۰ - ۱۰:۵۱
د انسا عمومي رئیس د افغانستان د سوداګري او صنایعو خونې له مشرتابه پلاوي سره وکتل

د سټنډرډ ملي ادارې عمومي رییس (انسا) دوکتور محمد موسی عَلَمي د افغانستان د سوداګرۍ او صنایعو خونې له رئیس خانجان الکوزي او د دې خونې د اداري او مالي چارو له مرستیال الحاج احمد توفیق داوري سره لیدنه وکړه.

ښاغلي الکوزي د انسا د عمومي رئیس په توګه د دوکتور محمد موسی عَلَمي د ګومارنې له امله مبارکي وویل او له انسا یې د سوداګرۍ او صنایعو خونې همېشنۍ او نږدې همکاره اداره وبلله. خانجان الکوزي د انسا پر وړاندې د شته ننګونو او کافي امکاناتو د نه شتون یادونه وکړه او دغه اداره یې د کیفیت د څار، تثبیت او کنټرول په برخه کې یوه مهمه او پالیسي جوړوونکې اداره وبلله. د سواګرۍ او صنایعو خونې رییس د سټنډرډ له ملي ادارې سره د سوداګرۍ سکټور کې د هر راز همکاریو ډاډ ورکړ.

د انسا عمومي ر رئیس په ټولو برخو کې سټنډرډ جوړونه او په بهرنیو بازارونو کې د افغانستان د کورنیو تولیداتو باکیفیته عرضه کول خپلې مهمې موخې وبللې او زیاته یې کړه چې پدې برخه کې د سوداګرۍ او صنایعو خونې همکاري خورا اړینه ده. دوکتور محمد موسی عَلَمي د کورنیو لابراتوارونو اعتبارورکونه یا اکرېډیټیشن، کورنیو تولیداتو ته د سرټیفیکېټونو وېش او د وارداتي توکو ارزونه د انسا د لومړیتوبونو په توګه یاد کړل. ښاغلي عَلَمي د هغو چلنجونو یادونه وکړه چې انسا اداره ورسره مخ ده او پدې برخه کې یې د سوداګرۍ او صنایعو خونې د همکاریو غوښتنه وکړه.

دغه راز، د سوداګرۍ او صنایعو خونې د اداري او مالي چارو مرستیال د انسا د عمومي رئیس د طرحو او پلانونو له امله خوښي څرګنده او د همکارۍ د ډاډ تر څنګ یې زیاته کړه چې د سټنډرډ ملي اداره په هېواد، په ځانګړې توګه، د سوداګرۍ په برخه کې خورا مهم رول لري. ښاغلي داوري زیاته کړه چې د انسا په چارو کې لاسوهنه یوه ستره ستونزه ده. هغه ټینګار وکړ چې په هېواد کې د سټنډرډ او کیفیت څارونکی او پلی کوونکی د انسا اداره ده چې دغه چاره باید عملي شي.

ورپسې یو ځل بیا ښاغلي الکوزي د سټنډرډ مراعت کولو کې پر عامه پوهاوي ټینګار وکړ زیاته یې کړه چې د هېواد سوداګر او بزګر باید به دودیز حالت څخه راووځي او موږ باید له هغوی سره د سټنډرډ کلتور په پياوړي کولو او دودولو کې هر اړخیزه مرسته او همکاري وکړو څو هر یو یې پخپله اړونده چاره کې د تخصص تر کچې ورسیږي.

دواړو لورو د همکاریو ژمنه وکړه او په هېواد کې د سوداګریزو چارو د سټنډرډ او معیاري کولو په برخه کې یې د اړونده ادارو همکاري او ملاتړ اړین وباله.

تازه خبرونه

یکشنبه ۱۳۹۹/۹/۹ - ۸:۵۸
Background image

د سټنډرډ ملي ادارې او د کابل پوهنتون د فارمسي پوهنځي تر منځ د دوه اړخیزه همکاریو هوکړه لاسلیک شوه.

د کابل پوهنتون په ریاست کې په همدې تړاو جوړه شوې غونډه کې د سټنډرډ ملي ادارې تخنیکي مرستیال مطیع الله ځلاند، د پلان او پالیسۍ رییس، د دارويي او سینګار توکو سټنډرډونو د تدوین تخنیکي. . .

یکشنبه ۱۳۹۹/۸/۱۸ - ۱۳:۳۳
Background image

د سټنډرډ ملي ادارې د رهبرۍ پلاوي اونیزه غونډه ترسره شوه.

۱۵/لړم/۱۳۹۹

د سټنډرډ ملي ادارې د رهبرۍ پلاوي اونیزه غونډه د دې ادارې د لوی رییس عزیز احمدزي په مشرۍ ترسره شوه چې مرستیالانو، سلاکارانو او اړونده رییسانو او کارکوونکو په کې برخه درلوده.. . .

یکشنبه ۱۳۹۹/۸/۱۸ - ۱۲:۵۱
Background image

د اسلامي هېوادونو لپاره د سټنډرډ او مټرولوژۍ انسټیټیوټ پنځلسمه ناسته وشوه.

د اسلامي هېوادونو لپاره د سټنډرډ او مټرولوژۍ انسټیټیوټ (SMIIC) پنځلسمه عمومي ناسته د کرونا ناروغۍ د مخنیوي د تګلارې له مخې په انلاین بڼه ترسره شوه. انسا اداره چې د دغه انسټیټوټ غړيتوب. . .

BACK TO NEWS

د انسا عمومي رئیس د افغانستان د سوداګري او صنایعو خونې له مشرتابه پلاوي سره وکتل