انسا او UNIDO د همکاریو د پراختیا په درشل کې

admin_omid
دوشنبه ۱۳۹۸/۱/۵ - ۱۴:۱۶
انسا او UNIDO د همکاریو د پراختیا په درشل کې

د سټنډرډ ملي ادارې (انسا) سرپرست د یکشنبې په ورځ (د ۱۳۹۸ کال د وري ۴مه) په افغانستان کې د ملګرو ملتونو د صنعتي پراختیا سازمان (UNIDO) له استازي سره ولیدل.

پدې لیدنه کې، د انسا مشرتابه پلاوي د سټنډرډ د پياوړتیا په برخه کې د UNIDO د تېرو همکاریو ستاینه وکړه او د هغو پر پراختیا یې ټينګار وکړ. د سټنډرډ ملي اداره سرپرست دوکتور محمد موسی عَلََمی  وویل د نوي سټراټیژیک پلان په جوړولو سره غواړي چې د دغه سازمان په همکارۍ په هېواد د معیار او کیفیت کچې په لوړولو کې عملي ګامونه پورته کړي. دوکتور علَمي د کرهنیزو محصولاتو او کیفي تصدیقنامې په صدرو کې د دغه سازمان همکاري اړینه وبلله زیاته یې کړه چې د سوداګرۍ، کرهنې او دوامداره برښنا په برخو کې خپلې همکارۍ پراخې کړي.

په همدې حال کې، د ملګرو ملتونو د صنعتي پراختیا سازمان استازي محمد شاکر مجیدي له انسا سره د خپلو تېرو ګډو فعالیتونو یادونه وکړه وې ویل چې UNIDO به د انسا د نوي سټراټيژیک پلان په رڼا کې به د وړاندیزونو او پروپوزلونو له مخې خپلو همکاریو ته پراختیا ورکوي. ښاغلي مجیدي په افغانستان کې د سټنډرډ جوړونې چارې اهمیت ته په کتو وویل چې دغه سازمان هیله لري د انسا د نوې رهبرۍ په ګډه په هېواد کې د کیفیت او معیارونو په رامنځته کولو سره رغنده رول ولوبوي.

دغه راز د سټنډرډ ملي ادارې د اداري او مالي چارو مرستیال احسان جلالزي د دواړو لورو ترمنځ د کاري چوکاټ پراختیا ته په اشارې وویل چې د ګډو چارو د پرمخ وړلو لپاره د یوې کمېټې رامنځته کول کولی شي د فعالیتونو اغېزناکتوب او ګټورتیا ډېره کړي.

په پای کې دواړو لورو ژمنه وکړه چې د نوښتونو په اډانه کې خپلو همکاریو ته پراختیا ورکوي او داسې چوکاټونه به رامنځته کوي چې په رښتینې مانا کولی شي مثبت بدلون ته لار هواره کړي.

د ملګرو ملتونو د صنعتي پراختیا سازمان له ۲۰۰۵ کال راهیسې په افغانستان کې په لاندنیو څلورو برخو کې  فعالیت کوي:

    • نړیوال کېدل؛
    • د کوجنیو او سیمه ایزو صننایعو د پیاوړتیا له لارې سیمه ایزه پراختیا؛
    • د کسب او کار د چاپېریال ښه کول او د خصوصي سکټور پراختیا؛
    •  د کرهنې اړوندو صایعو مدرنیزه کول؛
    •  د انرژۍ اړوندې چارې؛ او
    • د چاپېریال ساتنې او اوبو او هوا اړوندې چارې؛

د سټنډرډ ملي اداره ژمنه ده چې له همکارو بنسټونو، ادارو، سازمانونو او نورو دولتي او غیر دولتي ادارو سره د اړیکو په بیارغاونې سره هغه پلانونه عملي کړي چې افغانستان ورته د سټنډرډ جوړنې په برخه کې د یو لومړیتوب په اړتیا لري.

 

تازه خبرونه

چهارشنبه ۱۳۹۸/۴/۲۶ - ۱۱:۴۹
Background image

د سټنډرډ ملي ادارې له لوري د ننګرهار والي ته ستاینلیک ورکړل شو

د سټنډرډ ملي ادارې له لوري د ننګرهار والي ته د سټنډرډ په لوګو ډیزاین شوی ستاینلیک ورکړل شو. د ننګرهار ولایت مقام کې پر همدې موخه جوړه شوې غونډه کې د سټنډرډ ملي ادارې تخنیکي مرستیال د. . .

چهارشنبه ۱۳۹۸/۴/۲۶ - ۸:۴۸
Background image

د ازبکستان د سټنډرډ ادارې څخه د مطابقت ارزونې د رییس لیدنه

د سټنډرډ ملي ادارې د مطابقت ارزونې رییس ښاغلي احسان الله حیات او د سوداګرۍ په وړاندې د تخنیکي خنډونو (TBT) مسوول نورحبیب وردګ د روان کال د چنګاښ په ۲۴ نېټه د افغانستان او ازبکستان تر. . .

دوشنبه ۱۳۹۸/۴/۲۴ - ۱۴:۱۹
Background image

په هېواد کې په لومړي ځل د ساختماني موادو لابراتوارو پرانیستل شو

د سټنډرډ ملي ادارې تخنیکي مرستیال خواجه جاوېد صدیقي او ورسره مل پلاوی د سټنډرډونو د تدوین رییس، د پلان او پالیسۍ رییس او د یادې ادارې اړوند ځینې نور غړي د (۱۳۹۸/ چنګاښ/۲۳) نېټه په لومړي. . .

BACK TO NEWS