د ملي عمل دریم پروګرام کې د شمولیت په موخه د ټولنې بیلابیلو پرګنو وړاندیز شویو موضوع ګانو راټولولو په موخه د افغانستان پرانیستې دولت دارۍ مشارکت اعلامیه

Moasaq_admin
Sat, Aug 07 2021 10:01 AM
د ملي عمل دریم پروګرام کې د شمولیت په موخه د ټولنې بیلابیلو پرګنو وړاندیز شویو موضوع ګانو راټولولو په موخه د افغانستان پرانیستې دولت دارۍ مشارکت اعلامیه

 

د افغانستان اسلامی جمهووي دولت د پرانیستې دولت دارۍ مشارکت د ملي عمل درېیم پروګرام د تدوین بهیر په نېږدې ورځو کې پیلیږي.

د پرانیستې دولت دارۍ مشارکت (OGP) د لارښود په بنسټ، د دغه سازمان د غړیو هیوادونو د ملی عمل پروګرامونه د مدنی ټولنې بنسټونو په مشارکت تدوین او چمتو کیږي. د افغانستان اسلامي جمهوري دولت د پرانیستې دولت دارۍ مشارکت غړیتوب له ترلاسه کولو تردې دمه خپل د ملی عمل پروګرامونه د یاد لارښود په رڼا کې تدوینوي.

د افغانستان ملي عمل لومړی پروګرام په بریا سره تطبیق شوی او د عمل دویم پروګرام د مدني ټولنې بنسټونو او هیوادوالو په پراخه مشارکت سره تدوین شوی او د تطبیق په وروستیو پړاوونو کې دی. د افغانستان اسلامي جمهوري دولت د ملي عمل دویم پروګرام کې ۱۸ بدلون راوړونکې ژمنې شاملې دي چې په تطبیق سره به یې د عامه خدماتو په برخه کې رونټیا او حساب ورکوونه زیاته او د ملي پالیسیو په تدوین کې د عامه مشارکت زمینه برابره شي. د بیلګې په ډول د « ذینفع مالکیت دثبت او پلټنې مقررې» ژمنې څخه چې د حساب ورکونې، ځواب وینې او رونټیا لوړاوي په برخه کې تدوین او تصویب شوې، یادونه وکړو. په باوري توګه د هغې په سم تطبیق سره به له ډول ډول جرمونو ( مالیاتي فرار، د پیسو تطهیر، د ترهګرۍ تمویل او د نشه یي توکیو قاچاق) څخه مخنیوی وشي.

دا چې د ملي عمل دویم پروګرام د تطبیق وخت په تمامیدو دی او ډیری ژمنې یې بشپړي شوي، د افغانستان اسلامي جمهوري دولت په پام کې لري چې د پرانیستې دولت دارۍ مشارکت د ملي عمل درېیم پروګرام د تدوین چارې هم پیل کړي، نو له دی کبله به ټول وزارتونو، خپلواکو ادارو، د مدنی ټولنې بنسټونو، رسنیو، ښوونیز او تحصیلي سکتور او هیوادوالو څخه په درنښت هیله کیږي څو خپلې وړاندیز شوې موضوع ګانې چې په ( رونټیا، حساب ورکوونې، د عامه پالیسیو په تدوین او تطبیق بهیر کې د هیوادوالو مشارکت د ښه والی او لوړوالي او له نوې ټیکنالوژۍ څخه استفادې پورې اړوندې وي) د ملي درېیم پروګرام کې د شمولیت په موخه د ۱۴۰۰ کال د زمري تر ۵ نیټې پورې د لاندې برښنالیک له لارې له موږ سره شریکې کړي.

Info@ogpa.gov.af  و faisal.stanekziai2@gmial.com

د یادونې ده چې د پرانیستې دولت دارۍ سکرتریت د هیواد د ملي عمل پروګرامونو د آسانچاري رول لري او ستاسو وړاندېز شوې موضوع ګانې به له توحید وروسته اړوندو مراجعو په تیره د افغانستان پرانیستې دولت دارۍ مشارکت ټولګې عمومی فورم ته وړاندې شي.

د لازیاتو معلوماتو له پاره د پرانیستې دولت دارۍ مشارکت ویب سایټ ته مراجعه وکړئ:                 https://ogpa.gov.af

Latest news

Wed, Aug 11 2021 3:35 PM
Background image

ANSA start to boost up carpet and textile quality testing in ANSA's central laboratories. 

ANSA's Carpet and Textile Lab is active and ready to provide services to industrialists, entrepreneurs and exporters of Carpets. These Labs have specialized and professional capicaty. . .

BACK TO NEWS

د ملي عمل دریم پروګرام کې د شمولیت په موخه د ټولنې بیلابیلو پرګنو وړاندیز شویو موضوع ګانو راټولولو په موخه د افغانستان پرانیستې دولت دارۍ مشارکت اعلامیه