د سټنډرډ ملي ادارې په مرکزي دفتر کې د جومات د بنسټ ډبره کېښودل شوه
په دې مراسمو کې د سټنډرډ ملي ادارې عمومي رئیس الحاج ملا فیض الله تمیم، د دعوت او ارشاد عمومي رئیس شیخ مولوي محمد هاشم شهید ورور، د حج او اوقافو وزارت معین محترم مولوي عارف الله عارف، د ستندرد ملي ادارې مرستیالانو، رئیسانو او کارمندانو ګډون کړی و.
په پیل کې د سټنډرډ ملي ادارې عمومي رئیس الحاج ملا فیض الله تمیم میلمنو او د غونډې ګډونوالو ته ښه راغلاست ووایه او د اسلام په دین کې یې د جومات د ارزښت او لوړ مقام یادونه وکړه. هغه وويل، زموږ موخه د خلکو د ستونزو حل او د لمانځه او د دين د زده کړې لپاره د مناسب چاپيريال رامنځته کول دي. نوموړي همدا راز د امیرالمؤمنین حفظه الله له ملاتړ او په چارو کې د چارواکو له همکارۍ مننه وکړه. ورپسې د حج او اوقافو وزارت مرستیال مولوي عارف الله عارف د جومات جوړولو په ارزښت خبرې وکړې او د جومات ځای یې د اسلام په بډایه تاریخ کې د دعوت، دیني زده کړو او جهاد د مرکز په توګه یاد کړ.
شیخ مولوي محمد هاشم شهید ورور وویل: د جومات اصلي موخه د لمانځه ادا کول او د خدای د دین درس ورکول دي او د افغانستان اسلامي امارت ژمن دی چې د شرعي علومو د ترلاسه کولو لپاره لازمې اسانتیاوې برابرې کړي چې د هر مسلمان له اساسي اړتیاو څخه ګڼل کیږي
