الحاج ملا فیض الله تمیم د سټنډرډ ملي ادارې عمومی رئیس د ترکمنستان له سفیر اویزوف سره ولیدل
۱۴۴۴هـ . ق ۲۳ ربیع الاول
الحاج ملا فیض الله تمیم د سټنډرډ ملي ادارې عمومي رئیس خپل کاري دفتر کې د ښاغلي اویزوف د ترکمستان سفیر سره وکتل . په دې غونډه کې د سټندرد ملي ادارې دفتر تخنیکی مرستیال مفتی محمد حامد ، د مالیې او ادارې مرستیال مولوی عطاالله فرید او د سټندرد ملي ادارې د اړونده ادارو رئیسانو ګډون کړی وو .
د سټنډرډ ملي ادارې عمومي رئیس د ترکمنستان سفیر ته د ښه والی په ترڅ کې د دوه اړخیزو اړیکو د پیاوړتیا په اړتیا ټینګار وکړ او وویل : له نیکمرغه دواړه هیوادونه دوستانه اړیکې لري او موږ غواړو چې خپلې ښې اړیکې له تاسو سره پراخه کړو .
ښاغلي اویزوف د سټنډرډ ملي ادارې له دندو څخه مننه وکړه او له افغان حکومت سره یې د خپل هېواد د دوامداره همکاریو په اړه معلومات ورکړل.
دغه راز دوی د دواړو لورو ترمنځ د متقابلو همکاریو په موخه د ګډې ادارې پر جوړولو خبرې وکړې او د مسلکي او تخنیکي زده کړو په برخه کې یې د مهارتونو او پوهې پر تبادلې ټینګار وکړ.
په پاى کې دواړو لورو د دوه اړخيزو همکاريو د دوام او د اړيکو د پراختيا ژمنه وکړه.
