د نفتي توکو د ټولو محترمو سوداګرو د پام وړ!
په هیواد بیلابیلو ښارونو کې ککړه هوا د ښاریانو ژوند ګواښي او د دې ککړتیا یو لوی عامل د بې کیفته نفتي توکو کارونه ده، پر دې بنسټ د سټنډرډ ملي اداره د نفتي توکو ټولو سوداګرو ته خبر ورکوي؛ څو هېواد ته د بې کیفته نفتي توکو له واردولو څخه ډډه وکړي.
د سټنډرډ جوړنې د قانون پر بنسټ د سټنډرډ ملي ادارې رهبري د هېوادوالو د روغتیا په نظر کې نیولو سره ژمنه ده، څو د چاپېریال د خوندیتوب او د انساني ژوند له ګواښوونکو پدیدو سره مبارزه وکړي. پر دې بنسټ د دې ادارې رهبري مصممه ده چې د ټولو هغو بې کیفته نفتي توکو (پټرول، ډیزل او اوبلن ګاز) د واردولو مخنیوی وکړي چې د هوا د ککړتیا سبب ګرځي او د ښاریانو پر روغتیا منفي اغېزه کوي.
د سټنډرډ ملي اداره له ټولو سوداګرو څخه په خورا درنښت غوښتنه کوي، څو په دې برخه کې جدي پاملرنه وکړي او د دې ادارې له پالیسۍ سره سمه سوداګري ترسره کړي. په هغه صورت کې چې سوداګر د بې کیفته توکو د واردولو هڅه وکړي، قانوني چلند به ورسره کېږي.
هغه سوداګر چې غواړي یاد شوي سټنډرډونو ترلاسه کړي: سټنډرډ ملي ادارې ته او یا هم لاندو شمېرو سره دې اړیکه ونیسي.
0787086065
0748672161
