د سټنډرډ ملي ادارې د فقهي او دیني مسایلو د ازموینې پایلې اعلان کړې
د سټنډرډ ملي ادارې د دعوت او ارشاد رياست له لوري د فقهي او ديني موضوعاتو سيالۍ پايلې اعلان شوې. دغه سيالۍ چې د عقيدې د سمې پوهاوي رامنځته کولو, پياوړتيا او د ديني او فقهي وظيفو د ترسره کولو او د معنوي اصلاح او ودې په برخه کې د کارکوونکو د پوهې د زياتوالي په موخه په لاره اچول شوې وه، ازموينه مخکې د دعوت او ارشاد د څانګې له خوا اخيستل شوې وه. په ياده شوې سيالۍ کې د سټنډرډ ملي ادارې د ټولو څانګو کارکوونکو ګډون کړی وو او هغو کسانو ته چې په ياده شوې ازموينه کې يې غوره نمرې ترلاسه کړې وې سټنډرډ ملي ادارې عمومي رئیس الحاج ملا فیض الله تمیم لخوا ځانګړې جايزې او ډالۍ ورکړل شوې
