دوه ورځنی سيمنار د سټنډرډ ملي ادارې د کارکوونکو د مسلکي ظرفیت لوړونې په موخه په آنلاین ډول په لار واچول شو
دا روزنیزه برنامه چې د نساجي د سټنډرډ کولو او مارکیټ ته د لاسرسي تر عنوان لاندې د چین هېواد له لوري جوړه شوې وه، پکې د سټنډرډ ملي ادارې مسؤلینو او کارکوونکو ګډون کړی وو.
د ملي سټنډرډونو او ودانیزو کوډونو د جوړولو او رواجولو رئیس مولوي محمد حنیف ددې برنامې په جوړولو خوښي څرګنده کړه او تر بحث لاندې موضوع یې مهمه وګڼله.
نوموړی همدارنګه د داسې لا زیاتو روزنیزو برنامو غوښتونکی شو.
په پیل کې د نړیوالو همکاریو او د چین د څېړنو د پرمختیا مرکز مشرې آغلې شو جین برنامه پیل کړه.
دا روزنيزه برنامه د چین د سټنډرډ کولو د مطالعې د بهیر پرمختيا، د چین د نساجي سټنډرډ پېژندنه، د چین په هېواد کې د نساجي سټنډرډ تطبیق او د ازمايښت کړنلارې اړوند ترتیب شوې وه. چې د چین هېواد د سټنډرډ ادارې د کارپوهانو له لوري روزنه ورکړل شوه.
