د سټنډرډ ملي ادارې د مشرتابه پلاوي غونډه ترسره شوه.
۲/ زمری/۱۴۰۰
د سټنډرډ ملي ادارې د مشرتابه پلاوي غونډه د دې ادارې د تخنیکي عمومي رییسې اغلې ساناز سلیمي په مشرۍ ترسره شوه. په دغه غونډه کې رییسانو، سلاکارانو او اړونده مسوولینو برخه لرله.
اغلې ساناز د ادارې د ارزښت په اړه هر اړخیزه خبرې وکړې او په وینا یې د بریا ترلاسه کول بدلون ته اړتیا لري چې په وینا یې بنسټیز بدلونونه د ژمنتیا، همکارۍ او ګډ کار پر اساس را منځ ته کېږي او په هېواد کې د کیفیت ملي بنسټ په برخه کې لوړو موخه ته د رسېدلو لپاره ګټور کار او په اغېزناک ډول د چارو ترسره کول دي.
په دغه غونډه کې د مدیریت کیفي سېسټم د تصدیق پاڼو د وېش پروسې د فعاله کولو، پیریدونکو ته د چوپړتیاو د وړاندې کولو په موخه د پیریدونکو د مرکز ایجاد، د اړتیاو په بنسټ د سټنډرډونو تدوین، د پوهنتونونو زده کړیالانو ته د زده کړیزو پروګرامونو وړاندې کول، د لابراټوارونو کالبریشن او اکرېډېشن، د کورنیو او نړیوالو پروګرامونو ترسره کول او دې ته ورته په یو شمېر نورو مهمو موضوعاتو بحث او نظرونه وړاندې شول.
