د ککړې هوا د مخنیوي په تړاو غونډه جوړه شوه.

Moasaq_admin
شنبه ۱۳۹۸/۱۰/۷ - ۱۴:۱۷
د ککړې هوا د مخنیوي په تړاو غونډه جوړه شوه.

شنبه ۱۳۹۸/مرغومی/۷
د سټنډرډ ملي ادارې د تخنیکي مرستیال خواجه جاوېد صدیقي په مشرۍ د هوا د ککړتیا د مخنیوي په موخه غونډه جوړه شوه. په دې غونډه کې د انسا ادارې مالي او اداري مرستیال احسان جلالزي، د مطابقت ارزونې رییس احسان الله حیات، د چاپېریال ساتنې ادارې او د کابل ښار د تېلو د لسګونه پمپ سټېشنونو استازو په کې برخه درلوده.
په دغه غونډه کې ښاغلي صدیقي د هوا د ککړتیا پر لاملونو بحث وکړ او په دې برخه کې یې د جلالتماب ولسمشر د هدایت مطابق د بېړنیو ګامونو د اخیستو یادونه وکړه. نوموړي و ویل چې تېل پلورونکي مسوول دي، څو د بې کیفیته تېلو له پلور څخه ډډه وکړي، کنه قانوني چلند به ورسره وشي. هغه زیاته کړه، چې ګرځنده لابرتوارونو ته یې دنده سپارلې ده، څو په بازار کې د هر پمپ تېل چک کړي. د ښاغلي صدیقي په وینا چې د یوې ټاکلې طرحې له مخې به په نږدې راتلونکي کې هېواد ته د بې کیفیته تېلو له واردولو څخه مخنیوی وشي.
د دې ترڅنګ مالي او اداري مرستیال ښاغلي احسان جلالزي پر تېل پلورونکو غږ وکړ چې په دې برخه کې له مونږ سره همکاري وکړي. نوموړي و ویل په دې برخه کې جدي دي او د سرغړونې په صورت کې به له مسوولو کسانو سره قانوني چلند کېږي.
په غونډه کې د پمپ سټېشنونو یو شمېر استازو د هوا د ککړتیا لاملونه یوازې پر تېلو پورې ونه تړل، بلکې د سوند مواد، د وسایطو زیاتوالی او د یو شمېر نورو لاملونو یادونه یې وکړه چې د هوا په ککړتیا کې یې ونډه لرله.
د غونډې په پای کې پرېکړه وشوه چې د دې ناورین د له منځه وړلو لپاره به په ګډه کار کوي او پر تېلو به په جدي څار کېږي.

تازه خبرونه

دوشنبه ۱۴۰۲/۱۱/۹ - ۱۱:۴۶
Background image

په نیمروز بندر کې ۸ ټانکره بې کیفیته تېلو ته د واردولو اجازه ورنه کړل شوه.

په نیمروز بندر کې ۸ ټانکره بې کیفیته تېلو ته د واردولو اجازه ورنه کړل شوه.

د سټنډرډ ملي ادارې په نیمروز بندر کې اته ټانکره تېل چې کیفیت یې د سټنډرډونو سره مطابق نه درلود، هېواد ته یې د. . .

شنبه ۱۴۰۲/۹/۴ - ۱۱:۴۲
Background image

په تېره یوه مېاشت کې ١٦٠ ټانکره بې کیفیته تیل په فراه ٧٨ میل بندر کې بیرته ایران هېواد ته ګرځول شوي دي

سټنډرډ ملي اداره په واړو بندرونو کې نه ستړي کېدونکي کوښښونه او هڅې کوي ترڅو د بې کیفیته توکو د راوړلو مخنیوی وشي.
 او په ټولو سوداګرو غږ کوي چې هېواد ته با کیفیته توکي وارد کړي، کنه له. . .

پنجشنبه ۱۴۰۲/۹/۲ - ۱۱:۱۶
Background image

په نیمروز بندر کې ٢٤٠٠ کارټنه بې کیفیته هایدرولیک بیرته ایران هېواد ته وګرځول شول.

په دې وروستیو کې سټنډرډ ملي ادارې په زیار اوهڅو  د بې کیفیته تیلو پر راوړلو د مخنیوي لپاره عملي ګامونه پورته کړي او له ټولو سوداګرو غواړي تر څو هېواد ته با کیفیته توکي وارد کړي، کنه نو. . .

BACK TO NEWS

د ککړې هوا د مخنیوي په تړاو غونډه جوړه شوه.