د کجورو د ډولونو ملي سټنډرډ
د افغانستان سټنډرډ ملي اداره د ګرانو هېوادوالو د عمومي روغتیا او سلامتۍ، د هېواد د پرمختګ او خوندي چاپیریال د رامنځته کولو په موخه، د ملي سټنډرډونو د جوړونې، دود کولو او تطبیق کولو مسؤلیت په غاړه لري.
د کجورو د ډولونو ملي سټنډرډ؛ د سیمه یزو او نړیوالو سټنډرډونو سره سم د هېواد د اقتصادي او سوداګریزو عیني شرایطو په نظر کې نیولو سره په هېواد کې د تخنیکي کمیټې له لوري جوړ شوی او ټولو ته د لاسرسي وړ دی.
په افغانستان کې د خرما اړتیا او د هغه د کښت لپاره مناسب اقلیم په نظر کې نیولو سره، پدې برخه کې د پانګې اچونې او د خرما د تولید معیاري کول په هېواد کې دننه او بهر ښه بازار موندلی شي.
د سټنډرډ ملي ادارې، د سټنډرډ کولو په برخه کې غښتلي ګامونه پورته کړي دي. دا ملي پروسه په کامل دقت او کره والي د کارپوهانو، د علمي مرکزونو او بنسټونو د نظر خاوندانو او د اړوند ادارو د متخصصینو په شتون سره هېواد د روښان راتلونکي، ودې او آبادۍ په لور بیايي.
