د نفتي توکو (پټرول، ډیزل او اوبلن ګاز) د ټولو محترمو سوداګرو د پام وړ!

دا چې د چاپېریال ککړتیا د انسان ژوند ګواښي او یو سبب یې د بې کیفیته نفتي توکو کارونه ده، پر دې بنسټ سټنډرډ ملي اداره د نفتي توکو ټولو سوداګرو ته خبر ورکوي؛ څو هېواد ته د بې کیفته نفتي توکو له ټوریډ څخه ډډه وکړي.

د ا.ا.ا کابینې د پرېکړې پر بنسټ د سټنډرډ ملي ادارې رهبري د هېوادوالو روغتیا ته په پام، د چاپېریال ساتنې او د انساني ژوند له ګواښوونکو پدیدو سره د مبارزې پر بنسټ مصممه ده، څو د ټولو هغو بې کیفته نفتي توکو (پټرول، ډیزل او اوبلن ګاز) د واردولو مخنیوی وکړي چې چاپېریال ککړوي او د ښاریانو پر روغتیا منفي اغېزه کوي.

د سټنډرډ ملي اداره له ټولو سوداګرو څخه په خورا درنښت غوښتنه کوي، څو په دې برخه کې جدي پاملرنه وکړي او د دې ادارې له پالیسۍ سره سمه سوداګري ترسره کړي. په هغه صورت کې چې سوداګر د بې کیفته توکو د واردولو هڅه وکړي، قانوني چلند به ورسره کېږي.

سوداګر باید د پټرولو جبري سټنډرډ لږ تر لږه د سټنډرډ په (A-80)مارک، د ډیزل تېلو سټنډرډ په (50-0.5L ) مارک لرلو او همدارنګه اوبلن ګاز د کلني څپرکیو (ژمني او اوړي) د سټنډرډونو سره سم د بیوتان او پروپان ترکیب په پام کې نیولو سره مراعات کړي او اختیاري سټنډرډونه د سوداګرو په هڅو پورې تړلي دي.

ټول محترم سوداګر کولای شي د لاندې لینک له لارې هغه سټنډرډونه ترلاسه کړي چې پر بنسټ یې یاد توکي وارد کړي.

د پټرول تېلو د سټنډرډونو لینک

د ډیزل تېلو د سټنډرډونو لینک

د اوبلن ګاز د سټنډرډونو لینک