د مرکزي او ولایتي لابراټوارونو د عیارولو په موخه د لابراټوارونو نوی سرپرست معرفي شو.

Moasaq_admin
چهارشنبه ۱۴۰۰/۴/۹ - ۱۱:۱۳
د مرکزي او ولایتي لابراټوارونو د عیارولو په موخه د لابراټوارونو نوی سرپرست معرفي شو.

د سټنډرډ ملي ادارې لوی رییس جناب انجنیر ذبیح الله زیارمل د لابراټواري چارو د غوراوي او انسجام په موخه د دې ادارې د لابراټوارونو سرپرست وټاکلو. د یادونې وړ ده چې ښاغلی انجنیر محمد ابراهیم ابراهیمي د انسا ادارې د لابراټوارونو د برخې یو مسلکي او تجربه لرونکی کارکوونکی دی چې د دې ادارې د یو شمېر مسوولینو په وړاندې د مرکزي لابراټوارونو سرپرست وټاکل شو.

ښاغلي زیارمل نوموړي ته د مرکز او ولایت د لابراټوارونو د فعالولو او عیارولو لارښوونه وکړه او په وینا یې له بده مرغه یو شمېر لابراټوارونه لاهم نه دي کارول شوي چې باید ژر فعال شي او ګټه ترې واخیستل شي، د دې ترڅنګ په بېلا بېلو برخو کې د نوو لابراتوارونو د ایجاد هڅه وشي. هغه له اداري فساد سره د مبارزې او پر وړ واکي ټینګار وکړ او له ابراهیمي یې وغوښتل څو د لابراټوارونو په کاري پروسه کې شفافیت رامنځ ته کړي.

په پای کې ابراهیمي د دې مسوولیت په سپارلو کې د دې ادارې له رهبرۍ مننه وکړه او ژمنه یې وکړه چې د لابراتوارونو د ایجاد، عیارولو او فعالولو په برخه کې جدي کار کوي او همدارنګه له فساد سره په مبارزه کې به خپلې هڅې په کار اچوي.

تازه خبرونه

پنجشنبه ۱۴۰۴/۱/۷ - ۱۲:۷
Background image

د سټنډرډ ملي ادارې د نورم د تثبیت امریت د چارو ادارې عمومي ریاست د ګرځنده ورکشاپ د سون توکو د مصرف معیار وټاکه

د سټنډرډ ملي ادارې د نورم تثبیت امریت تخنیکي ټیم، له فني ارزونو وروسته، د چارو ادارې د عمومي ریاست د )۱ (عراده فورد ګرځنده ورکشاپ د سون توکو د مصرف معیار وټاکه.

ددې ادارې د نورم تثبیت. . .

سه‌شنبه ۱۴۰۴/۱/۵ - ۱۱:۴۷
Background image

د سټنډرډ ملي ادارې د نورم د تثبیت خدمتونه د سرچینو د غوره مدیریت په پار په دوامداره توګه دوام لري

د سټنډرډ ملي ادارې د نورم تثبیت متخصصینو د عامې روغتیا وزارت د (۱) عراده موټر، د برېښنا شرکت د (۱) عراده موټر او د پولیسو اکاډمۍ قومانداني د (۱) عراده موټر د سون توکو د مصرف معیار وټاکه. . .

دوشنبه ۱۴۰۴/۱/۴ - ۱۰:۵۱
Background image

د سټنډرډ ملي ادارې د نساجي او څرمنې تخنیکي کمیټې غونډه ترسره شوه

د سټنډرډ ملي ادارې د نساجي او چرم د سټنډرډونو جوړونې د تخنیکي کمیټې غونډه د اړوندې کمیټې د رئیس او غړو په ګډون سره ددې ادارې د تخنیکي غونډو په تالار کې ترسره شوه.

پدې غونډه کې د لاندې. . .

BACK TO NEWS

د مرکزي او ولایتي لابراټوارونو د عیارولو په موخه د لابراټوارونو نوی سرپرست معرفي شو.