د سټنډرډ ملي ادارې ویاند عاشق الله وزیري د افغانستان د ملي راډیو ټلویزیون له مرستیال ښاغلي هدایت الله هدایت سره وکتل
دا غونډه د خلکو لپاره د عامه پوهاوي په برخه کې د ښه اړیکو او همغږي رامنځته کولو او د سټنډرډ کولو پروسې د اهمیت په موخه جوړه شوې وه.
د سټنډرډ ملي ادارې ویاند په ټولنه کې د معیاري کولو د بهیر پر اهمیت خبرې وکړې او وویل یې: په هېواد کې د سټنډرډ کولو د فرهنګ د لوړولو لپاره اړینه ده چې ټول په ګډه کار وکړو.
د افغانستان د ملي راډیو او تلویزیون مرستیال د سټنډرډ ملي ادارې د مطبوعاتو څانګې فعالیتونه وستایل او وویل یې؛ د سټنډرډ ملي اداره او ملي راډیو ټلویزیون زموږ د ټولو ګډ کور دی او دواړه ادارې د خلکو د خدمت لپاره کار کوي. موږ تاسو سره په هره برخه کې همکاره یو.
د غونډې په پای کې د یو لړ همکاریو تفاهم لیک امضا شو.
