د سټنډرډ ملي ادارې د ودانیزو توکو د سټنډرډونو د جوړولو تخینکي غونډه ترسره شوه
د تخنیکي کمیټې غونډه د سټنډرډونو او ملي ودانیزو کوډونو د رئیس مولوي محمد حنیف، ددې کمیټې د رئیس او غړو په ګډون سره د تخنیکي غونډو په تالار کې جوړه شوې وه.
په دې غونډه کې د کانکریټو لپاره د کیمیاوي اضافه کوونکو توکو د سټنډرډ په مشخصاتو او د هغې په کړنلارې او اړوندو موضوعاتو په اړه بحث او د نظرونو تبادله وشوه.
د ودانیزو توکو سټنډرډونه په هیواد کې د ودانیو د معیاري کولو په برخه کې خورا بنسټیز رول لري او د ودانیز سکټور د ودې او د هیواد د کورنیو تولیداتو د پیاوړتیا په برخه کې یو مثبت ګام ګڼل کیږي.