د سټنډرډ ملي ادارې د مشرتابه پلاوي غونډه جوړه شوه.
۲۱/ وری/۱۴۰۰
د سټنډرډ ملي ادارې د مشرتابه پلاوي غونډه د دې ادارې د لوی رییس عزیز احمدزي په مشرۍ جوړه شوه چې د دې ادارې مرستیالانو، سلاکارانو، رییسانو او اړوندو مسوولینو په کې برخه درلوده.
په غونډه کې د روان مالي کال پر پروژ، عوایدو او یو شمېر نورو مهمو موضوعاتو بحث وشو. ښاغلي احمدزي د پروژو پر ژر عملي کېدلو ټینګار وکړ او د دې ترڅنګ یې په دې برخه کې د لا چټکیا سپارښتنه وکړه.
د غونډې په جریان کې اړوندو مسوولینو د تېرې یوې اونۍ کاري راپورونه وړاندې کړل او د مشرتابه پلاوي له لوري یې تر اورېدو وروسته په اداره کې د چارو د لا غوراوي او انسجام په موخه جدي او سالمې سپارښتنې ترلاسه کړې.