د سټنډرډ ملي ادارې د لابراتوارونو د فعالولو په لړ کې دا ځل په حیرتانو بندر کې د ساختماني موادو لابراتوار پرانیست.

Moasaq_admin
یکشنبه ۱۳۹۸/۱۰/۲۹ - ۱۰:۳۵
د سټنډرډ ملي ادارې د لابراتوارونو د فعالولو په لړ کې دا ځل په حیرتانو بندر کې د ساختماني موادو لابراتوار پرانیست.

د سټنډرډ ملي ادارې د (۲۳/مرغومی/۱۳۹۸) نېټه د یو لړ مراسمو په ترڅ کې د حیرتانو بندر د ساختماني موادو لابراتوار پرانیست. یاد لابراتوار د تخنیکي مرستیال خواجه جاوېد صدیقي او ورسره مل پلاوي، د بلخ ولایت والي، د ولایتي شورا رییس او سکټوري رییسانو په وړاندې پرانیستل شو.

د انسا ادارې تخنیکي مرستیال د ساختماني لابراتوارونو پر ارزښت او د هېواد په اقتصاد کې د دې لابراتوار پر رول خبرې وکړې. نوموړي و ویل چې د سټنډرډ ملي اداره هڅه کوي چې د بې کیفیته موادو د واردولو مخنیوی وکړي.

هغه زیاته کړه له دې وروسته چې کوم ساختماني مواد هېواد ته واردېږي، یاد لابراتوار به یې کیفیت کنټرولوي.

د بلخ ولایت والي د سټنډرډ ملي ادارې فعالیتونه وستایل او د ساختماني موادو د کیفیت په برخه کې د جدي پاملرنې په تړاو یې له دغې ادارې څخه مننه وکړه. نوموړي د دې ولایت مسوولینو ته سپارښتنه وکړه چې له یادې ادارې سره دې په همغږۍ د چارو په ترسره کولو کې همکاري وکړي.

همدا راز د دې ولایت د یو شمېر بنسټونو او ولایتي شورا مسوولینو د یادو لابراتوارونو په فعالېدو خوښي وښوده او د ساختماني موادو په برخه کې یې د اړونده مسوولینو د جدي څار غوښتنه وکړه.

 

تازه خبرونه

دوشنبه ۱۴۰۲/۱۱/۹ - ۱۱:۴۶
Background image

په نیمروز بندر کې ۸ ټانکره بې کیفیته تېلو ته د واردولو اجازه ورنه کړل شوه.

په نیمروز بندر کې ۸ ټانکره بې کیفیته تېلو ته د واردولو اجازه ورنه کړل شوه.

د سټنډرډ ملي ادارې په نیمروز بندر کې اته ټانکره تېل چې کیفیت یې د سټنډرډونو سره مطابق نه درلود، هېواد ته یې د. . .

شنبه ۱۴۰۲/۹/۴ - ۱۱:۴۲
Background image

په تېره یوه مېاشت کې ١٦٠ ټانکره بې کیفیته تیل په فراه ٧٨ میل بندر کې بیرته ایران هېواد ته ګرځول شوي دي

سټنډرډ ملي اداره په واړو بندرونو کې نه ستړي کېدونکي کوښښونه او هڅې کوي ترڅو د بې کیفیته توکو د راوړلو مخنیوی وشي.
 او په ټولو سوداګرو غږ کوي چې هېواد ته با کیفیته توکي وارد کړي، کنه له. . .

پنجشنبه ۱۴۰۲/۹/۲ - ۱۱:۱۶
Background image

په نیمروز بندر کې ٢٤٠٠ کارټنه بې کیفیته هایدرولیک بیرته ایران هېواد ته وګرځول شول.

په دې وروستیو کې سټنډرډ ملي ادارې په زیار اوهڅو  د بې کیفیته تیلو پر راوړلو د مخنیوي لپاره عملي ګامونه پورته کړي او له ټولو سوداګرو غواړي تر څو هېواد ته با کیفیته توکي وارد کړي، کنه نو. . .

BACK TO NEWS

د سټنډرډ ملي ادارې د لابراتوارونو د فعالولو په لړ کې دا ځل په حیرتانو بندر کې د ساختماني موادو لابراتوار پرانیست.