د سټنډرډ ملي ادارې د نفتي توکو د سټنډرډونو د جوړونې د تخنیکي کمیټې غونډه ترسره شوه
په دې غونډه کې چې د د ملي سټنډرډونو او ودانیزو کوډونو د جوړونې او رواجولو رئیس مولوي محمد حنیف، د یادې کمیټې رئیس او غړو په ګډون سره ددې ادارې تخنیکي تالار کې ترسره شوه.
په دې غونډه کې د پیټرولي انجنونو د غوړیو لپاره د ملي سټنډرډ (INSO 22261-96) د جوړونې او وروستي کولو په اړه بحث او نظرونه تبادله شول. دغه سټنډرډ چې د ایران د سټنډرډ ملي سازمان د ۲۰۱۷ کال نسخې څخه اقتباس شوی دی، د علمي او تخنیکي څېړنو او اړوند ازموینو له مخې تایید او نهايي شو.
یاد سټنډرډ چې له نړیوالو سټنډرډونو سره په همغږۍ کې دی، د نفتو او ترانسپورت په صنعت کې د یو تخنیکي او معتبر سرچینې په توګه کارول کېږي. موخه یې د انجنونو کیفیت او فعالیت ښه کول، د انجنونو عمر زیاتول، د ساتنې لګښتونه کمول او د چاپېریالي ککړتیاوو کمول دي.
