د سټنډرډ ملي ادارې د رهبرۍ پلاوي غونډه ترسره شوه.
۴/ سلواغه/۱۳۹۹
د سټنډرډ ملي ادارې د لوی رییس عزیز احمدزي په مشرۍ د رهبرۍ پلاوي غونډه جوړه شوه چې د دې ادارې مرستیالانو، سلاکارانو، رییسانو او نورو اړونده مسوولینو په کې برخه درلوده.
په غونډه کې ښاغلي احمدزي د تېرې یوې اونۍ پر ترسره شوو چارو او فعالیتونو خبرې وکړې او د مټرولوژۍ او کیفی تصدیق پاڼو د طرزالعملونو پر نهايي کېدو یې ټینګار وکړ. دغه راز پر یو شمېر مهمو مواردو بحث وشو چې له سعودي عربستان، ایران، ازبکستان او ترکیې سره د یو شمېر هوکړه لیکنو پر کولو خبرې اترې د دغه بحث یوه برخه وه.
د غونډې په اوږدو کې ګډونوالو د تېرې یوې اونۍ د فعالیتونو او ترسره شوو چارو راپور وړاندې کړ چې د ښاغلي احمدزي له خوا یې چارې و ارزول شوې او د چارو او فعالیتونو د لا غوراوي په موخه یې لازمې سپارښتنې وکړې.
