د ملکي خدمتونو د کارکوونکو د قانونونو د پوهاوي او اداري لارښوونو اړوند ښوونیزه برنامه په سټنډرډ ملي اداره کې ترسره شوه
پدې برنامه کې سټنډرډ ملي ادارې د اداري او مالي چارو رئیس محترم عبدالله السیف، د ددې ادارې د ظرفیت لوړونې برخې مسؤلینو او د یادې ادارې نوي ګمارل شویو کارکوونکو ګډون درلود.
غونډه د قرآن کریم په مبارکو آیتونو سره د محمود الله نوین لخوا پیل شوه.
په پیل کې د مالي او اداري چارو رئيس عبدالله السیف ددې ښوونیزې برنامې په ارزښت او اهمیت کارکوونکو ته هر اړخیزه وینا وکړه او په کارکوونکو یې تاکید وکړ څو د ښوونې او زده کړو په برخه کې کوټلي ګامونه واخلي.
دا برنامه د سټنډرډ ملي ادارې د بشري سرچینو د ظرفیت لوړونې امریت لخوا ددې ادارې یو شمېر کارکوونکو ته نیول شوې ده، یاده برنامه به څلور کاري ورځې دوام وکړي، ددې برنامې څخه موخه د کارکوونکو د مدیریتي مهارتونو او د وړتیاوو لوړونه ده چې خلکو ته لاښه خدمت وړاندې شي.
