د سټنډرډ ملي ادارې لوی رییس د افغانستان د هستوي انرژۍ ادارې له سرپرست سره وکتل.
د سټنډرډ ملي ادارې لوی رییس ښاغلي انجنیر ذبیح الله زیارمل د افغانستان د هستوي انرژۍ ادارې له مرستیال او سرپرست ذاهدالله ذاهد سره وکتل. په دغه لیدنه کې تخنیکي عمومي رییسې انجنیر ساناز سلیمي هم ګډون درلود چې د دواړو ادارو تر منځ پر دوه اړخیزه همکاریو بحث او نظرونه وړاندې شول.
په دغه ناسته کې ښاغلي ذاهد د هغو طبي تجهیزاتو د اغېزمنتیا او نا اغېزمنتیا په اړه خبرې وکړې چې له اکسرې او راډیو اکټیف وړانګو سره تړلي دي او په دې برخه کې د سټنډرډ ملي ادارې د همکارۍ غوښتونکی شو چې په ورته وخت کې د سټنډرډ ملي ادارې له لوري د همکارۍ او د هستوي انرژۍ ادارې ته د طبي تجهیزاتو د سټنډرډونو او معلوماتو د ورکړې ډاډ ورکړل شو.
