د سټنډرډ ملي ادارې د سیرت النبی صلی الله علیه وسلم سیالۍ پایلې اعلان کړې

د سیرت النبي د سیالیو پایلې چې مخکې د سټنډرډ ملي ادارې د دعوت او ارشاد ریاست له خوا په لاره اچول شوې وې، اعلان شوې. د دې سیالیو د پایلو د اعلان په لړ کې د سټنډرډ ملي ادارې د عمومي رئیس الحاج ملا فیض الله تمیم له خوا هغو کسانو ته ځانګړې ډالۍ او جایزې ورکړل شوې چې ښې نمرې یې ترلاسه کړې وې.
ياده سيالي د څښتن تعالی د ستر لارښود حضرت محمد مصطفی صلی الله عليه وسلم د ژوند، اخلاقو او فردي سيرت، کورنۍ، ټولنيزې او رهبرۍ په اړه د کارکوونکو د پوهاوي د کچې د لوړولو او د پوهاوي د پياوړتيا په موخه په لاره اچول شوې وه.