د سټنډرډ ملي ادارې د رهبرۍ پلاوي غونډه ترسره شوه.
۱۳۹۹/مرغومی/۶
د سټنډرډ ملي ادارې د رهبرۍ پلاوي غونډه د لوی رییس عزیز احمدزي په مشرۍ ترسره شوه چې د دې ادارې مرستیالانو، سلاکارانو، رییسانو او یو شمېر نورو کارکوونکو په کې برخه درلوده.
په پیل کې ښاغلي احمدزي د کیفیت او سټنډرډونو د تطبیق پر اغېز خبرې وکړې او په وینا یې د کیفیت او سټنډرډ موضوع یو مهم او حیاتي بحث دی چې د خلکو په ژوند کې د پام وړ رول لري او پر دې بنسټ دې د ادارې کارکوونکي خپلو مهمو دندو ته په کتو خپلو چارو ته ځیر وګوري او جدي یې وګڼي چې په دې برخه کې تخنیکي څانګې باید له پوره دقت ګټه واخلي.
د دې ترڅنګ د پلان او پالیسۍ رییس د ټولو ریاستونو او امریتونو د کال د وروستۍ ربع راپورونه د پرېزنټشن په شکل وړاندې کړل چې اړوندو برخو د چارو د اجرا او نا اجرا څرنګوالي ته په کتو خپل نظرونه وړاندې کړل.
په پای کې ښاغلي احمدزي د اړوندو برخو له هڅو څخه په مننې د چارو د لا سمون په موخه اړینې لارښوونې وکړې او په کارونو کې د لا زیاتې چټکیا غوښتونکی شو.
