د ۱۴۰۴ مالي کال لپاره د سټنډرډ ملي ادارې د ډبرو سکرو د لابراتواري تجهیزاتو د قرارداد ورکړې د پرېکړې اعلان
د افغانستان سټنډرډ ملي اداره په پام کې لري چې د ۱۴۰۴ مالي کال لپاره د ډبرو سکرو د لابراتواري تجهیزاتو د تهیه او تدارک قرارداد، محترم صبغت الله حضرت زاده سوداګریز شرکت ته چې د جواز ګڼه یې (۶۳۴۳۹) ده او د کابل ښار په تایمني لسم سړک کې موقعیت لري، د اتلس میلیونه او نهه سوه زره (۱۸،۹۰۰،۰۰۰) افغانیو په مجموعي قیمت ورکړي.
هغه حقیقي او حکمي اشخاص چې په دې اړه هر ډول اعتراض ولري، کولای شي خپل اعتراض د دې اعلان له خپرېدو څخه تر اوو تقویمي ورځو پورې په لیکلي ډول له دلایلو سره یوځای د سټنډرډ ملي ادارې د تدارکاتو آمریت ته، چې د کابل- جلال اباد لویې لار، د صنعتي پارکونو ساحه، د پخواني افغان-ترک (افسوتر) ریاست ته ور نه رسېدلی، وسپاري.
دا خبرتیا د قرارداد د لاسلیک په معنا نه ده او د پورته ذکر شوې مودې تر بشپړېدو او ورپسې قانوني پړاوونو تر طی کېدو پورې به قرارداد لاسلیک نه شي.
