د سټنډرډ ملې ادارې عمومي رئیس الحاج ملا فیض الله " تمیم" پیغام

د سټنډرډ ملي ادارې اساسي موخه د کیفیت کنټرول او مجاهد ولس له عامه ضرر څخه ساتل دي. 
موږ کوښښ کوو چې د تلپاتې پراختیا او پرمختګ، د خلکو هوساینه, هیواد په بازارونو کې د کیفیت کچې لوړول، د نړیوال اعتبار ترلاسه کول او د هیواد ودې او غوره والي او معیاري کولو په لور حرکت وکړو. زه له خپل ولس سره ژمنه کوم د کورنیو تولیداتو او محصولاتو معیاري کولو، خپلو ګرانو هیوادوالو روغتیا او خوندیتوب ساتنه او غوره خدمات وړاندې کولو په برخه کې به خپلې هڅې وه نه سپموم.
 له ټولو قدرمنو سوادګرو غواړم چې په بازارونو کې د با کیفیته توکو پیر او پلور ترسره کړي: نه به داخل کې ولس له بې کیفیته توکو زیانمن شي او نه هم افغاني محصولات به په نړیوالو بازارونو کې خپل ارزښت له لاسه ورکړي.
تاسو ټولو ته د لوی الله تعالی درباره څخه د کامیابۍ غوښتنه کوم