سټنډرډ ملي ادارې په کابل کې د وسایطو یوه تولیدي فابریکه د معیاري کولو په موخه وڅارله.
سټنډرډ ملي ادارې د بجاج په نوم د کابل ښار بګرامي ولسوالۍ کې د وسایطو له یوې تولیدي فابریکې څخه څارنه وکړه. د دې ادارې د نظارت هیئت په دې فابریکه کې د تولید ډول، د تولید ظرفیت، او د سټنډرډونو رعایت کول وڅېړل.
یاد شرکت چې د موټر سایکل، رکشا او ورته نورو وسایطو په تولید کې فعالیت کوي، سپارښتنه ورته وشوه، څو خپل تولیدات د هېواد له کورنیو معیارونو سره سم عیار کړي. د دې نظارت موخه د داخلي تولیداتو معیاري کول، پیاوړتیا او په هېواد کې د کیفیت د سطحې لوړول دي. سټنډرډ ملي اداره له ټولو ملي سوداګرو او داخلي پانګوالو څخه غوښتنه کوي چې د هېواد ملي سټنډرډونو په پام کې نیولو سره سالمې سوداګرۍ او کاروبار ته وده ورکړي .
