د ګازو پر واردولو، کیفیت او د سوداګرو پر ستونزو بحث وشو.

Moasaq_admin
پنجشنبه ۱۳۹۹/۲/۲۵ - ۲۰:۱۶
د ګازو پر واردولو، کیفیت او د سوداګرو پر ستونزو بحث وشو.

پنجشنبه
۱۳۹۹/غویی/۲۵
هېواد ته د ګازو پر واردولو، کیفیت او په بندرونو کې د سوداګرو پر ستونزو بحث وشو. په دې تړاو جوړه شوې غونډه کې د سټنډرډ ملي ادارې تخنیکي مرستیال خواجه جاوید صدیقي، مالي او اداري مرستیال احسان جلالزي، د مطابقت ارزونې رییس احسان الله حیات، د حیراتانو د تېلو او ګازو د اتحادیې رییس مومن ضیایي، سوداګرو او د دې ادارې یو شمېر تخنیکي کار کوونکو برخه درلوده.
د غونډې په پیل کې ښاغلي ضیایي د سوداګرو او هېواد ته د ګازو د واردولو پر وخت د یو شمېر ستونزو یادونه وکړه. هغه و ویل چې زیاتره وخت د توکو په کیفیت کې ستونزې اړوندې بهرنۍ کمپنۍ ته راجع کېږي چې بیه یې دوی پرې کوي. نوموړي په حیرتانو کې هېواد ته د خپلو توکو د واردولو پر وخت پېښېدونکې ستونزې بیان کړې او ویې غوښتل چې د غیر سټنډرډ توکو د واردولو پر وخت دې د دوی توکي د اړونده مسوولینو له خوا مسترد شي، څو دوی په دې برخه کې خپل اجرائات وکړي.
د دې ترڅنګ ښاغلي خواجه جاوید صدیقي خبرې وکړې او ویې ویل چې مونږ ته د توکو کیفیت او معیار مهم دی او په دې برخه کې مسوولیت لرو، څو د بې کیفیته وارداتو محنیوی وکړو. ښاغلي صدیقي زیاته کړه چې د توکو د واردولو پر وخت به سوداګرو ته یو شمېر اسانتیاوې برابرې کړي چې له مخې به یې روانې ستونزې تر یو بریده حل شي. د هغه په وینا د توکو د نمونې د بیا اخیستنې او مستردۍ په برخه کې به هم ګام پورته کړي.
دغه راز مالي او اداري مرستیال احسان جلالزي د اړوندو ادارو او خصوصي سکټور تر منځ پر همغږغۍ تاکید وکړ او ویې ویل چې د سوداګرو ستونزو ته لاس رسی یې مسوولیت دی.
همدارنګه د مطابقت ارزونې رییس احسان الله حیات په بندرونو کې د توکو د کیفیت په چک کولو کې د قراردادي شرکت د اصولي کړنو ډاډ وړاندې کړ او ویې ویل چې د سوداګرو د ستونزو د حل په موخه به د نورو هېوادونو د سټنډرډ ادارو سره د بې کیفیته توکو د مستردۍ په اړه خبرې وکړي.
د دغې غونډې په پای کې پرېکړه وشوه چې د یوه طرزالعمل له مخې به دغو ستونزو ته د پای ټکی اېښودل کېږي.

تازه خبرونه

چهارشنبه ۱۳۹۹/۴/۱۱ - ۱۱:۳۷
Background image

د سټنډرډ ملي ادارې او فور کارنر مشورتي شرکت تر منځ د همکارۍ هوکړه لیک لاسلیک شو.

دوشنبه

۱۳۹۹/چنګاښ/۹

دغه هوکړه لیک د سټنډرډ ملي ادارې د تخنیکي مرستیال خواجه جاوید صدیقي او د فور کارنر شرکت رییس ښاغلي سمیع له لوري د مالي او اداري مرستیال احسان جلالزي، د سټنډرډونو. . .

پنجشنبه ۱۳۹۹/۲/۲۵ - ۲۰:۱۶
Background image

د ګازو پر واردولو، کیفیت او د سوداګرو پر ستونزو بحث وشو.

پنجشنبه
۱۳۹۹/غویی/۲۵
هېواد ته د ګازو پر واردولو، کیفیت او په بندرونو کې د سوداګرو پر ستونزو بحث وشو. په دې تړاو جوړه شوې غونډه کې د سټنډرډ ملي ادارې تخنیکي مرستیال خواجه جاوید صدیقي،. . .

پنجشنبه ۱۳۹۹/۲/۴ - ۱۷:۱۹
Background image

د ۱۳۹۹ کال د روژې مبارکې میاشتې په اړه د سټنډرډ ملي ادارې د رهبرۍ پیغام

د سټنډرډ ملي ادارې رهبري د روژې د مبارکې میاشتې په راتلو سره نړۍ او په ځانګړې توګه د افغانستان ټول مسلمان ولس ته مبارکي وایي. په دې هیله چې د دغې مبارکې میاشتې په برکت او د خدای ج په. . .

BACK TO NEWS

د ګازو پر واردولو، کیفیت او د سوداګرو پر ستونزو بحث وشو.

The subscription service is currently unavailable. Please check again later.