د سټنډرډ عالي شوری غونډه

admin_omid
Wed, Jul 03 2019 3:36 PM
د سټنډرډ عالي شوری غونډه

د سټنډرډ عالي شوری (۲۵مه) غونډه د (۱۳۹۸هـ ش) کال د چنګاښ میاشتې په (۹مه) نېټه د تېرې یکشنبې په ورځ د ولسمشر د دویم مرستیال او د سټنډرډ عالي شوری د رییس په مشرۍ ترسره شوه.

په دغه غونډه کې په بندرونو کې د ساختماني موادو د لابراتوارونو د ازمایښت په طرزالعمل، د سټنډرډونو په تدوین او ترویج او په (۳۹) نورو ملي سټنډرډونو باندې بحث وشو.

د دغې غونډې په پیل کې د سټنډرډ عالي شوری رییس د شوری غړو ته د سټنډرډ جوړونې د قانون په رڼا کې د سټنډرډ عالي شوری پر رول او ارزښت هر اړخیزې خبرې وکړې.

د دې ترڅنګ د سټنډرډ ملي ادارې تخنیکي مرستیال خواجه جاوېد صدیقي د غونډې ګډونوالو ته په څلورو برخو کې د ملي سټنډرډ ادارې د تېرو څلورو میاشتو د کار او فعالیتونو راپور وړاندې کړ. ښاغلي صدیقي د دې ادارې د وروستۍ میاشتې له لاسته راوړنو لکه؛ د حقوقي چارچوب تقویت، پلان جوړونه، د سېسټم جوړونې مدیریت، د ظرفیت لوړوالی او د غوره خدمتونو وړاندې کول او له ملي او نړیوالو بنسټونو سره د اړیکو پر پراخولي خبرې وکړې.

پر دې سربېره یې د پنځه کلن ستراتژیک پلان تعریف او پر هغه د عمل پلان، د مټرولوژي قانون چمتو کول، په بندرونو کې د ساختماني او توریدي موادو د لابراتوارونو د ازمایښت د طرزالعمل چمتووالی، د الکټرونیکي حاضرۍ را منځ ته کول، په ملي سټنډرډ اداره کې د ښځینه مامورینو ګمارل او په دغه اداره کې د قراردادونو د نهايي کولو په اړه بشپړ معلومات وړاندې کړل او په خبره یې چې له ساختماني لابراتوارونو د ازمایښت له طرزالعمل څخه یې موخه په هېواد کې د ساختماني موادو له کیفیت د ډاډ ترلاسه کول دي چې په (۱۹) مادو کې چمتو او تنظیم شوي دي.

د دغې غونډې په اوږدو کې ګډونوالو طرزالعمل د اصطلاحاتو له شکلي اړخه، موخې، تګلارې، د تطبیق ساحه او پر یو شمېر نورو موضوعاتو بحث وکړ چې په پای کې دغه طرزالعمل د تایید وړ وګرځېد او دا پرېکړه وشوه چې د سټنډرډ ملي ادارې تخنیکي کمېټه د ښار جوړونې وزارت معین، اقتصاد وزارت معین، د ښاروالۍ استازي او د خصوصي سکټور د استازي په ګډون به په غونډه کې یاد شوي اصطلاحات د دغه طرزالعمل په متن کې منظم کړي.

له دې سره سره د سټنډرډ ملي ادارې د سټنډرډونو د تدوین رييس د سټنډرډونو د تدوین او ترویج او د (۳۹) سټنډرډونو د تدوین په اړه په غونډه کې خبرې وکړې او په وینا یې چې د دې طرزالعمل له تطبیق څخه یې موخه د ملي سټنډرډونو چمتووالی، انکشاف او تدوین او د هغه زده کړه او ترویج دی.

یاد طرزالعمل او (۳۹) سټنډرډونه چې مخکې د تخنیکي کمېټې په وسیله نهایي شوي وو، زیاتره سټنډرډونه د سوند، خوراکي، ارایشي او تولیدي موادو وو. د شوری د غړو نظرونه د منلو وړ وګرځېدل او لارښوونه ورته وشوه، څو د دې طرزالعمل په متن کې اصلاحي وړاندیزونه ځای پر ځای کړي.

د غونډې په پای کې د سټنډرډ عالي شوری رییس لارښوونه وکړه، څو د سټنډرډ ملي اداره د لابراتوارونو د فعالیت د همغږۍ په برخه کې ځانګړې طرحه چمتو او د سټنډرډونو د تطبیق له راپور سره یې په راتلونکې غونډه کې وړاندې کړي.

Latest news

Wed, Nov 13 2019 2:57 PM
Background image

The Authority to stabilize the quality of petroleum products was entrusted to the National Authority of Standards


In accordance with the Presidential Decree and the decision of the Honorable Commission of National Procurement Authority, a Board with the competence of the National Authority of. . .

Wed, Jan 09 2019 1:53 PM
Background image

Report of the fifteenth anniversary of the adoption of the constitution and the commemoration week of the constitution

From the fifteenth year of the constitution and the constitutional week during the celebration ceremony at the National Bureau of Standards, the leadership of the National Bureau of. . .

BACK TO NEWS